Калат-аль-Бахрейн – (араб тілінен аударғанда «Бахрейн қамалы» деген мағына береді) ол біздің заманымызға дейінгі 2300 – 1700 жылдар аралығында қалыптасқан жасанды төбешік. Қатпарлардың ішінде көзге түсетіні – португалдық қамал. Оның астында бұрын Дильмуннің астанасы болған қамал бар. Осы себепті қазба жұмыстары жүргізілген аймақты «кала, калат» – «қамал» деп атады.
Бұрын осында мекендеген халықтар жайында көптеген археологиялық мұралар сақталған. Олар жайындағы мәліметтер бұрын тек шумерлік дереккөздер арқылы жеткен болатын. 2005 жылы бұл жер ЮНЕСКОНЫҢ мұралар қорына енгізілді.
Қазіргі таңда шамамен нысанның шамамен тек 25 %-ы ғана зерттелді. Зерттеу барысында: тұрғын үй, сауда, қоғамдық, әскери және діни құрылыстар табылды. Бұл құрылыстардың табылуы бұрын осы жерде ірі сауда портының болғанын дәлелдеді.
